Tóbakstugga

Morgunblaðið, 4.6.2003

Eftirfarandi færsla er stolin í heilu lagi af hinum skemmtilega vef FRÉTTUM. FRÉTTIR fjölluðu á skemmtilegan hátt um sumarafleysingafólk á fréttamiðlum og villur sem það getur gert:

Uppáhald ritstjórnar FRÉTTA og jafnframt skýrasta dæmið um sumarstarfsmannafrétt, er svo í Morgunblaðinu. Þetta er klassík:

"John Reid, leiðtogi Verkamannaflokksins í neðri deild breska þingsins, virðist með ummælum sínum í The Times vera að svara frétt BBC. Hann sagði rauðliða í leyniþjónustunni hafa lýst yfir hlutum sem ekki hafi verið staðfestir."

Rauðliðar! Snilld. Fyrir áhugasama er skynsamlegt að benda á öllu skárri frétt um sama mál á fréttavef BBC. Þar er nefnilega skýringuna á því hvers vegna Morgunblaðið finnur "rauðliða" í leyniþjónustunni. Eða nenntu menn kannski ekki að fletta upp muninum á "rouge" og "rogue" ? :-)

Tóbakstugga þakkar FRÉTTUM kærlega fyrir gott innlegg.