Tóbakstugga

Óskarsverðlaunaafhendingin 2004

Innan um fjölmargar staðreyndavillur í máli þularins mátti finna eina þýðingarvillu sem hann hefur haft eftir í mörg ár.
"Art Direction" var þýtt "Listræn leikstjórn". Þessi villa á rætur sínar að rekja til þess að í ensku máli er "leikstjóri" titlaður "Director" sem getur í raun líka þýtt "stjóri". Art direction er í raun það sem við Íslendingar köllum leikmyndahönnun, listræn hönnun á útliti kvikmyndar.

Morgunblaðið, 4.6.2003

Eftirfarandi færsla er stolin í heilu lagi af hinum skemmtilega vef FRÉTTUM. FRÉTTIR fjölluðu á skemmtilegan hátt um sumarafleysingafólk á fréttamiðlum og villur sem það getur gert:

Uppáhald ritstjórnar FRÉTTA og jafnframt skýrasta dæmið um sumarstarfsmannafrétt, er svo í Morgunblaðinu. Þetta er klassík:

"John Reid, leiðtogi Verkamannaflokksins í neðri deild breska þingsins, virðist með ummælum sínum í The Times vera að svara frétt BBC. Hann sagði rauðliða í leyniþjónustunni hafa lýst yfir hlutum sem ekki hafi verið staðfestir."

Rauðliðar! Snilld. Fyrir áhugasama er skynsamlegt að benda á öllu skárri frétt um sama mál á fréttavef BBC. Þar er nefnilega skýringuna á því hvers vegna Morgunblaðið finnur "rauðliða" í leyniþjónustunni. Eða nenntu menn kannski ekki að fletta upp muninum á "rouge" og "rogue" ? :-)

Gilmore girls, 20.05.2003

hhhah internetið er svo mikil snilld!! það tók mig ca. 5 mínútur að finna transcript af Gilmore girls þættinum sem ég sá í gærkvöldi!!

Pabbi Rory er í heimsókn og færir henni Oxford orðabókina. Stuttu seinna sitja svo foreldrarnir í bílnum hans og hlusta á Rammstein í botni.
LORELAI: Oh my God, George Lucas wishes he had this sound system.
CHRISTOPHER: I've got Alpine head units, two subs, and two twelves. In exchange, no passenger-side airbag.
LORELAI: Ah, so the old Christopher still lives.
[Rory leans in the car window.]
RORY: Could you please attenuate the cacophony out here?
LORELAI: Huh?
[Rory reaches in and adjusts the volume]
RORY: Turn down the music. [goes back inside]
LORELAI: Next time instead of a dictionary, just slip her a crisp twenty.

ég tók ekki eftir hvernig 'attenuate the cacophony var þýtt, en 'crisp twenty' það var bara alls ekki þýtt. það stóð á skjánum hjá mér 'réttu henni crisp twenty. halló? Stúlkan er það vel máli farin að hún hefur ekkert við orðabók að gera, gefðu henni bara nýstraujaðan tuttugu dollara seðil.

Matthew Barney -
The Cremaster Cycle

Í myndinni var m.a. fjallað um yfirlitssýningu á cremaster röðinni í Guggenheim safninu. Þar var sagt um hluta sýningarinnar sem hafði upphaflega verið í Bronco-íþróttahöllinni. Matthew Barney sagði þá: "This is the original astroturf from Bronco stadium". Þýðingin var: "Þetta er stjörnuþakið úr Bronco-íþróttahöllinni". Gallinn er sá að Astroturf er það sem við íslendingar köllum í daglegu tali "gervigras". Þýðandinn hefði nú átt að skilja að "turf" er í raun sama orð og "torfa" og að "astro-torfa" ætti kannski við hátækniútgáfu af grasi...

How to lose a guy in 10 days

Þegar stúlka ein var að reyna að hressa aðra við og minntist á sólina á þennan hátt: "The sun is out" í samhenginu að það væri nú ekki gott að vera döpur þegar sólin skín í heiði. Þetta virðist þýðandinn ekki vera sammála um og og vildi meina að "sólin er farin" sem er augljóslega rangt. Betra hefði verið að segja "sólin skín" eða að "sólin skini útundan skýjunum" með skáldaleyfi.

Sorority Boys

Vond mynd, vond þýðing. Vonandi er þetta ekki metnaður þýðenda í hnotskurn. Þessi mynd er uppfull af þýðingarvillum enda kemur nafnið á þýðandanum ekki fyrir á endanum. Hann veit þá líklega upp á sig skömmina. Þrjú dæmi sem ættu að sýna fram á ófrumlegheitin og gefa kannski góða mynd af hvernig metnaðarleysið var algjört. Í myndinni voru þrjú systra og bræðrafélög. K.O.K.(Kappa Omega Kappa), Tri Pi (Pí Pí Pí) og D.O.G. (Delta Omega Gamma). K.O.K. var Þýtt K.O.K. Tri Pi var þýtt Tri Píurnar og D.O.G. var þýtt H.U.N.D.A.R.N.I.R. Þarna er þýðandinn fyrst og fremst að reyna að þýða brandara með frekar misheppnuðum hætti Dog = hundur og einnig er hann að reyna að búa til brandara sem ekki var fyrir í myndinni með því að kalla Tri Pi, Tri píurnar. Þarna er mikið ósamræmi á ferðinni og einnig tilraun sem mistekst. Þarna hefði hann átt að halda sér við skammstafanirnar og bæta kannski við útskýringu fyrir aftan D.O.G. Á einum stað í myndinni minnist strákur einn á að hann líti út eins og "Wookie". Þarna virðist einnig vera á ferðinni ákveðin vanþekking á kvikmyndasögunni hjá þýðanda að vita í fyrsta lagi ekki að "Wookie" er tegund loðinna tvífætla í Stjörnustríðssexlogíunni.
Í öðru lagi að reyna að skrifa niður orðið eftir hljóði. En nú vitum við það greinilega að Loðinn er af tegund Vúkí. Hann hlýtur að vera glaður með það.
Þýðingar á samræðum voru líka álíka vel þýddar og látum við eina flakka. "He told me you´d say that too" Var þýdd sem: "Hann myndi líka segja það við þig". Þarf að segja meir?

The Lost Boys (1987)

Í þessari ágætu vampírumynd er borgin Santa Carla nokkrum sinnum kölluð "the murder capital of the world". Hinn óþekkti (eða óþekki) þýðandi þýðir þennan frasa sem "mesta glæpaborg í heimi". Vissulega er morð glæpur en þarna ætlar hann litla sjávarplássinu Santa Carla meira en af því er hægt að ætlast.

The Big Chill (1983)

Í kvikmyndinni The Big Chill spyr Michael (Jeff Goldblum) vin sinn Nick (William Hurt) "Is that a 'lude?" Þýðandinn er greinilega ekki harðnaður dópisti þar sem hann þýðir lude sem LSD. Lude er hins vegar stytting á Quaalude sem er róandi lyf.

Einnig kemur fram í sömu mynd áhugaverð þýðing (veit ekki hvort sé hægt að kalla hana villu) á sjálfsfróun. Sam (Tom Berenger) spyr Harold (Kevin Kline) "Do you jerk off?" í framhaldi að samtali þeirra um sjálfsfróun. Þetta er þýtt sem "Ertu að fíflast?" Vissulega eru til mörg heiti yfir sjálfsfróun og kannski hefur þýðandinn bara verið að fíflast.

Desperate Hours

Fyrir réttum 13 árum kom kvikmyndin Desperate Hours í leikstjórn Michael Cimino út á myndbandi. Þessi spennumynd skartaði Anthony Hopkins í aðalhlutverki og átti persóna hans að vera fyrrverandi hermaður úr Víetnamstríðinu. Aftan á myndbandshulstrinu var hann hins vegar kallaður "dýralæknir". Það er töluverður munur á veterinarian (dýralæknir) og veteran (uppgjafarhermaður).